في غاية الخطورة والاهمية ..... اليكم يا بنات

var tmp;
tmp = document.getElementById('NewsBoxflag');
if(tmp)
{
if(tmp.value == 0)
{
tmp.value = 1;

document.write('');
document.write('');
document.getElementById('NewsBoxarab').innerHTML = document.getElementById('arabybox').innerHTML;
jsFile="http://www.arabysyndication.com/script/adRequest.js?adSpaceAuth=AcRyaC2WaN9xRqzuGmAudlZ2FwdB%2CeqKIdvz%24A%2C7i324&category="+OAS_sitepage;
document.write('');
document.write('');

}
}




السلام عليكم

اخواتي في اشياء خطيره حنا غافلين عنها وما ناخذ الحذر منها
حبيت اوضحها لكم
و بتلاحظون بالاخير ان حقنا مهضوم كثير مقابل الاموال اللي تندفع للكوافيرات

بالبدايه ابي من كل وحده تدخل تعطي رايها
لان رايكم يهم كل كوافيره ما تبي تخسر زباينها
وبالتالي بيكون له الاثر بتغيير اشياء كثير ما تتعارض مع مصلحتنا وما تتعارض مع ربح الكوافيره

اولا بالنسبه للكوافيره صاحبه المشغل
والكوافيره اللي بالبيت راح يكون لها شي إضافي بعدين
نبدأ
اولا الكثير من الكوافيرات تبدا المكياج مباشره من كريم الاساس بدون اي كريم منظف او مرطب قبل المكياج





وطبعا هذا من باب التوفير لها

لكن اذا انا دافعه 200 او 300 ريال للمكياج
( والعروس تدفع 1500 ) وبرضوه نفس الشي
هل نقطتين من كريم منظف وبعده كريم مرطب يحمي بشرتي من المكياج راح تخسرها ؟؟؟؟

الفرش المستخدمه وما ادراك مالفرش
تخيلو معي ان وحده بشرتها تعبانه كثير وحبوب شباب ملتهبه واشياء كثير تقدرين تسخدمين فرش المكياج حقتها؟
اكيد الكل بيقول لا لان بشره الوجه حساسه كثير واكيد راح تجي العدوى بسهوله لان الفرش بتلقط الجراثيم
تخيلي الان العدد الكبير من النساء اللي تجي للكوافيره وتستخدم معهم نفس الفرش ؟
مو كافي البشره لا كريم وقايه ولا مرطب
بتجي الجراثيم تلصق بالمسام على طول
الحل ؟
ماراح اقول الكوافيره تشتري طقم فرش جديد لكل زبونه
وبكون واقعيه اكثر
لو اشترت من كل نوع فرش سبع ثمان مجموعات
وتتقعم كل مجموعه فرش بعد الاستخدام بسائل الصابون ديتول وتغلف بانتظار الزبونه الجديده
طبعا بيكون بافي سبع مجموعات نظيفه
وهكذا
طبعا هاذي الشغله مالها دخل بالربح الا اذا فكرت الكوافيره ان زباينها راح تخسرهم لو ماطبقتها لانهم حريصين على صحتهم


الكحل والماسكرا
العين بعد ممكن تصاب بالعدوى سواء حساسيه او امراض اخطر مثل الطراخوما
يصير والا ما يصير ؟
طبعا كل شي وارد وخاصه ان مثل ما قلت الكوافيره يجيها ناس كثير

الحل
اما انك تاخذين كحلتك والماسكرا معك
او
تطلبين من الكوافيره الماسكرا والكحل اللي يستخدم بالفرشه
يجي زي البودره المضغوطه وفيه فرشه مستقله ممكن تتنظف بعد كل استخدام

نجي الحين عن كيف نضمن الخدمه هاذي
اتصلي على الكوافيره واسأليها عن بعض النقاط اللي ذكرتها وقولي انا حابه كذا وكذا
موجود او لا
اذا قالت لا اعتذري وقفلي

يمكن وحده ثنتين ماراح تفرق لكن مع كثره الطلب من الزباين اكيييد بيكون فيه تغيير



كثير مشاغل راقيه بلبنان تقدم افضل الخدمات وباسعار اقل من عندنا
طيب ليه ما يكون عندنا هالخدمات ؟
طبعا الكلام هذا مو عام لبعض المشاغل
نصيحه اخيره يارب ماتزعل احد
الكوافيرات اللي ماتكون بمحل رسمي وماجربتوهـــــــــــــا قبل
اخذتي رقمها من منتدى او من اي مكان
اذا بترحون لها البيت ضروري الوالده او احد يكون معكم والسياره تنتظركم عند الباب
زياده بالحرص
وشي ثاني ممنوع الاكل والشرب عندها
حاولي تفحص المكان من كاميرا او مرايا عاكسه
واذا شفتي شي مريب ضروري تحذرين منها البنات
حسن الظن واجب لكن الحذر اوجب


اخيرا
اتمنى ان الكل يصير خبير بالمكياج ونستغني شوي عن الكوافيرات
قلت شوي مو مره وحده لحد يزعل
لان كثرة الحاجه لهن تخلينا مهضومين الحقوق ومستغلين
بعض الكوافيرات اسلوب تعاملهم كانك تطلبين منها شي
مو كأنك دافعه الشي الفلاني
ارجو ما ينفهم كلامي انه ضد الكوافيرات
اتمنى الربح لكل كوافيره والله يرزق الكل لكن بالمعروووووف
لا ينهضم حق الزبون ولا حق الكوافيره
خلونااا يابنات نتحد وياليت توافقون على رائيي وخلوني اشوف ردودكم لاهنتكم ملاحظه
اتمنى ان تعبي مايروح خسارة ولانستفيد