| | يوميات شاب غزاوي أثناء الحرب |  |
|
|
| كاتب الموضوع | رسالة |
|---|
~~love story~~
مشرفة
مساهماتـﮯ : 7348
عمرـﮯ : 28
نقاطﮯ : 7703
اهتماماتـﮯ : my lover
تقيميـﮯ : 1
الإنتسآبـ : 23/10/2009
دولتـﮯ : قلب حبيبي
 | موضوع: يوميات شاب غزاوي أثناء الحرب  الأربعاء ديسمبر 30, 2009 12:49 pm | |
| بكل عفوية.. وبروح مرحة ... يروي الشاب الغزاوي كيف يقضي يومه خلال الحرب...
اترككم معه..!!
يقول:
كنا نشوف أغلب القصف على التلفزيون .. هلقيت صار قدامنا مباشر
طول الليل الدنيا تضوي وتطفي.. زي الألعاب النارية..
بس العالم الألعاب النارية عندها من الأرض للسما.. إلا في غزة.. من السما للأرض..
هيهم وصلوا تل الهوى.. يعني بشيكل بكونوا عنا.. مش بشيكل ونص حتى..
أنا
قاعد عالكمبيوتر.. وأهلي كلهم مجتمعين قالبين محللين عسكريين.. وعاملين
غرفة عمليات مشتركة.. ومستغربين اني قاعد عالنت.. على أساس إنو الدنيا حرب
لازم أضل قاعد ألطم..
تلت
أسابيع قاعدين في الدار لا طلعة ولا نزلة.. ولا شغلة ولا مشغلة.. فش كهربا
ولا ميا.. من كتر الزهق من القعدة الواحد بتحير ايش يعمل في الدار..
مرات
بقعد أعد البلاط.. ومرات أكم كسرة في الستارة.. وأحياناً بقعد ألعب في
الجوال (في حال كان فيه بطارية).. أو بقعد أتشغل في واحد من اخواتي..
ما
علينا.. الحلو في الموضوع انه شلومو بتبين حنيته في وقت الحرب .. بقولك
حفاظاً على رفاهية الشعب.. اعطونا تلت ساعات تهدئة في اليوم.. الواحد يعمل
فيهم اللي بده اياه..
وأحلى ما فيهم انهم مشكلين.. يوم من الوحدة للأربعة.. ويوم من التمنية للحدعش.. ويوم من العشرة للوحدة..
وبقولك احزر الفترة تاعت بكرة واتصل على رقم تلت تمنيات اتنين صفر وواحد احمر.. بتكسب جائزة..
والله الواحد بتحير ايش يعمل في التلت ساعات .. مسافة ما يفكر وين يطلع (على أساس ضل مكان في غزة الواحد يروح عليه) بكونوا خلصوا..
اليوم قعدت أفكر أفكر ايش أعمل.. لقيت احسن اشي أعمله اني أنام.. عشان الجو بكون هدوء وفش صوت قصف (نسبياً) ..
لأنه طول الليل صوت القصف وصوت الزنانات بخليش الواحد يعرف ينام.. الواحد بحس انه في واحد بخرق في نافوخه بمقدح..
طول ما الواحد قاعد وهوة بسمع يا صوت صاروخ قريب.. يا بعيد.. يا بحس بهزة.. وبدينا نسمع مناطق غريبة صاروا يقصفوها..
مرة مقبرة.. ومرة صالة أفراح.. ومرة عمارة سكنية.. ومرة دار مهجورة.. أو بقصفوا مكان قصفوه قبل هيك (للتأكيد)..
طبعاً في هادي المناسبة بحب أتقدم بالشكر للطيار اللي بقصف بإنه بحدف صاروخ صغير عالدار قبل ما يجيبها نصين بالصاروخ اللي بعده..
شايفين
الإنسانية لوين.. وبتقولوا عنهم عاطلين.. يعني اللي ما بصيده الصاروخ
الأول.. معاه خمس دقايق ينفد بجلده قبل ما يجيب أجله الصاروخ التاني..
الأعمار بيد الله.. الواحد عنده يقين انه كل شي بأمر الله.. عالرغم بإنه الواحد بطل يخاف زي أول لما يسمع صوت صاروخ..
بس إلا إنه الخوف من انه الطيار أخو الشلن تحلو دارنا في عينه ويمزعنا صاروخ بحجة الغسيل اللي عالسطح بأثر عالزنانات..
دايما بحاول أواسي حالي بالمقولة اللي بتقول "متخفش من صوت الرصاص.. لأنه الرصاصة اللي حتقتلك مش حتسمع صوتها"..
بس هالمقولة بتنطبقش عالصواريخ.. ولا ايش رأيكم..؟
أكتر
اشي بكيف عليه لما يرن تلفون الدار.. بنصير نتقاتل مين يرد عالتلفون أنا
واخواتي.. عشان نحكي مع الناس اللي بتصلوا من الدول العربية..
كل
واحد وحظه.. يطلع الإتصال من المغرب.. الجزائر.. مصر.. ليبيا.. السعودية..
السودان.. أو يتخوزق ويطلعله واحد بقولك جيش الدفاع الاسرائيلي..
ويطلع الشب بحزرك انه يكون عندك سلاح.. أو تتعامل مع واحد من المقاومة..
بس اليوم حسيت انه فش إلا تلفونا بكل غزة.. مسكتش وهوة يرن..
- ألو السلام عليكم...
- وعليكم السلام..
- معك فلانة من ليبيا.. الله معكم.. الله ينصركم.. الله يقويكم..
- تسلمي يا حجة.. إدعولنا..
- الله ينصركم ويحفظكم..
- يلا سلام عليكم..
- وعليكم السلام..
هادي عينة من المكالمات اللي بتوصلنا.. مع انها صغيرة وفهاش رغي وطق حنك .. إلا إنها بتحسس الواحد انه مش لحاله وفي حد معاه..
ويا
حبيبي لو خلال المكالمة نزل صاروخ ولا الخمسمية تاعت الأباتشي اشتغلت..
شوف العياط على التلفون .. وبدل ما هما يصيروا يواسوك ويهدوا فيك.. احنا
بنصير نهدي فيهم ونسكتهم..
لأ
والشغلة الجديدة اللي غايظاني قصة الفسفور.. أنا طول عمري بسمع انه
الفسفور في السمك.. وإنه مفيد للشسمو.. وكل ما الواحد كان ياكل سمك.. كان
يحس حاله صار يضوي من الفسفور..
بس
هان الوضع مختلف.. فسفور صح بخليك تضوي.. يعني أول ما تيجي عليك قذيفة
فسفور.. وتهب فيك النار.. حيصير اللي يشوفك يقولك منور ياحج.. الله يلطف
فينا..
طبعاً وقت الفراغ الواحد بحاول يستغله بإشي مفيد.. أنا استغليت وقتي برياضة جديدة.. وهية رياضة براميل الميا..
أول
ما أفتح عنيا على طول بمارس الرياضة اليومية.. بطلع على سطح الدار بتفقد
البراميل.. وقديش ضايل ميا.. طبعاً عن طريق الدقدقة على البرميل..
الواحد
صارت أذنه موسيقية برميلية.. وصار من صوت الدقة على البرميل يعرف إذا كان
فاضي ولا مليان (طبعاً هادي الكل بعرفها).. بس الجديد واللي اكتسبته مع
الخبرة انه لو كان البرميل مليان أعرف أكم لتر ميا فيه..
أنا لقيت حالي لهلقيت عايش قلت أكتبلكم أحكيلكم عن وضعنا.. بكرة يمكن أكون عايش بس مش قادر أكتب.. أو مش عايش من أصلو..
إدعولنا.. إدعوا تنحل هالقصة على خير.. إدعوا للمقاومين.. إدعوا للشهدا.. إدعوا للجرحى.. إدعوا للناس الله يصبرها.. إدعوا للكل..
ولو ضل معكم وقت.. إدعولي أصير غني..
ونشوفكم على خير..
منقوووووول
بس بحب اضيف ...على كلامه ...واحكي ..
[size=25]صراحة
انا اول ما شفت الموضوع متت من الضحك لانه الشاب كتب الموضوع باللهجة
الغزاوية ووصف الوضع بالزبط كيف كان يصير واحب اضيف شغلة هو نسيها وهيا
نسي يحكي عن طوابير اللي قدام المخابز عشان كم رغيف خبز وفي كمان مشهد نسي
يحكيه كان يتكرر في كل بيت هو قصة المعلبات اغلب الناس كانت تشتري معلبات
وكل اكلهم منها وفي كل بيت نفس الشي واحلى اشي لما كان واحد يعزم التاني
يموتو من الضحك على بعض لانه عازمه على نفس الاكل وكمان اشي الكل كان يدور
على خشب او حطب في الشوارع عشان يطبخوا عليه وقصص كتير وكتير بس شو الواحد
بدو يتذكر ليحكي كل شي وبصراحة الشاب ما قصر باسلوبه العفوي الغزاوي
والله يحيي اهل غزة كلها .. | |
|
 | |
الجد
شخصية هامة
مساهماتـﮯ : 2623
عمرـﮯ : 37
نقاطﮯ : 2962
اهتماماتـﮯ : منتديات حلم العشاق الحائر
تقيميـﮯ : 0
الإنتسآبـ : 27/10/2009
دولتـﮯ : منتديات حلم العشاق الحائر
| | موضوع: رد: يوميات شاب غزاوي أثناء الحرب الخميس ديسمبر 31, 2009 12:40 am | |
| اولاً / يعطيكى الف عافية
ثانياً / كل عام وانت بألف خير وهنا
ثالثاً / مشكوووووورة كتير على الموضوع الرائع
بس من الاخر ملخصة الموضوع من الاخر وحاصرة كل شيء
اتمنى لك التوفيق والنجاح والخير
| |
|
| | |
~~love story~~
مشرفة
مساهماتـﮯ : 7348
عمرـﮯ : 28
نقاطﮯ : 7703
اهتماماتـﮯ : my lover
تقيميـﮯ : 1
الإنتسآبـ : 23/10/2009
دولتـﮯ : قلب حبيبي
| | موضوع: رد: يوميات شاب غزاوي أثناء الحرب الخميس ديسمبر 31, 2009 1:09 pm | |
| مرسي كتيييييييير لالك يا احلى جد
تحياتي لالك | |
|
| | |
*ملك العشاق*
المـــدير العــــام
مساهماتـﮯ : 848
عمرـﮯ : 33
نقاطﮯ : 1202
اهتماماتـﮯ : النت
تقيميـﮯ : 0
الإنتسآبـ : 10/08/2009
دولتـﮯ : 7ob@h8tmail.com
| | موضوع: رد: يوميات شاب غزاوي أثناء الحرب الجمعة يناير 01, 2010 8:27 pm | |
| مشكورة كتير love story
ع الموضوع الراقي
تحياتي الملكية...
| |
|
| | |
~~love story~~
مشرفة
مساهماتـﮯ : 7348
عمرـﮯ : 28
نقاطﮯ : 7703
اهتماماتـﮯ : my lover
تقيميـﮯ : 1
الإنتسآبـ : 23/10/2009
دولتـﮯ : قلب حبيبي
| | موضوع: رد: يوميات شاب غزاوي أثناء الحرب الجمعة يناير 01, 2010 8:31 pm | |
| مرسي ملك على الرد الكيوووت
تحياتي لك | |
|
| | |
أسير العذاب
شخصية هامة
مساهماتـﮯ : 2274
عمرـﮯ : 31
نقاطﮯ : 2468
اهتماماتـﮯ : التعارف
تقيميـﮯ : 0
الإنتسآبـ : 25/11/2009
| | موضوع: رد: يوميات شاب غزاوي أثناء الحرب السبت يناير 09, 2010 11:16 am | |
| يسلمووووووووووووووووو كتير love story على الطرح الرائع
دمتي متألقة
تحياتي
اسير العذاب
| |
|
| | |
~~love story~~
مشرفة
مساهماتـﮯ : 7348
عمرـﮯ : 28
نقاطﮯ : 7703
اهتماماتـﮯ : my lover
تقيميـﮯ : 1
الإنتسآبـ : 23/10/2009
دولتـﮯ : قلب حبيبي
| | موضوع: رد: يوميات شاب غزاوي أثناء الحرب السبت يناير 09, 2010 1:24 pm | |
| يسلمووووا اسير العذاب على المرور الكوووول
تحياتي لك... | |
|
| | |
الغندور
مشرف
مساهماتـﮯ : 2478
عمرـﮯ : 36
نقاطﮯ : 2755
تقيميـﮯ : 0
الإنتسآبـ : 28/10/2009
دولتـﮯ : فلسطـــــــــــــــين الحبيبه
| | موضوع: رد: يوميات شاب غزاوي أثناء الحرب السبت يناير 09, 2010 10:58 pm | |
| هههههههههههههههههههههههههههههههههههه
بصراحة شب غزاوي صحيح
والله الرجل صادق
وانا بقوله ايش بدنا نساوي العمر رايح
مشكوووووووووووورة لف ستوري موضوعكفي غاية الروعة
ربنا يفرجها علينا يا رب
| |
|
| | |
~~love story~~
مشرفة
مساهماتـﮯ : 7348
عمرـﮯ : 28
نقاطﮯ : 7703
اهتماماتـﮯ : my lover
تقيميـﮯ : 1
الإنتسآبـ : 23/10/2009
دولتـﮯ : قلب حبيبي
| | موضوع: رد: يوميات شاب غزاوي أثناء الحرب الأحد يناير 10, 2010 4:20 pm | |
| يسلمووووا غندور على المرور الروعة
زادت صفحتي نورا بتواجدك
دمت بود | |
|
| | |
أسير العذاب
شخصية هامة
مساهماتـﮯ : 2274
عمرـﮯ : 31
نقاطﮯ : 2468
اهتماماتـﮯ : التعارف
تقيميـﮯ : 0
الإنتسآبـ : 25/11/2009
| | موضوع: رد: يوميات شاب غزاوي أثناء الحرب الإثنين يناير 11, 2010 9:32 pm | |
| مشكوووووووووورة كتير لف على الموضوع الرائع
دمتي بود
تحياتي | |
|
| | |
| | يوميات شاب غزاوي أثناء الحرب | |
|
