لمـــاذا تلــزم الفتـــاة الصمــت عنــد التحــرش بهـــا؟؟

موضوع للنقاش

نرى كثير من الفتيات عند التحرش بهن لا يبلغون آبائهــن أو أخوانهـــن بأنهن تعرضــن للتحــرش
يعني أن الفتاة تلزم الصمت ولا تخبر أهلها بذلك ترى لمـــاذا؟؟

هذه قصة حقيقية
فتاة تركب مع سائق الباص للذهاب للمدرســة
وفي يوم من الأيام حاول هذا السائق التحرش بها
فذهبــت الفتـــاة وأخبرت والدتهـــا بالأمــر
فقامت الأم بدورهـــا بإخبــار الأب بما حدث من السائق
فما كان من الأب إلا أن منـــع الفتـــاة من الذهــاب للمدرســـة؟

السبب الاول
إلقـــاء اللـــــوم على الفتـــاة دون أي تفاهــم. . .
يعني أن الفتــاة تخــاف من ردة فعــل الأب أو الأخ أو الزوج
الذي طبعا سيغضب عندما يعلم بأن أختــه أو زوجتــه أو إبنتــه تعرضت للتحرش
سواء بإعطائها الرقــم أو تحرش من نــوع آخر كيف تخــاف يعني أن الأب أو الأخ أو الزوج يحاول أن يلقي كل اللــوم على الفتــاة مثلا لو أنك غطيتي عيونــك لو أنك ما رحتي من هالطريــق ، لو أنك ما طلعتـــي لو لو لو إلــخ أنت أيها المحــرم تعرف طريقة ابنتك أو أختك أو زوجتك عند الخروج وراضي بهــا فلماذا تلقي اللوم عليها عندما تتعرض للتحرش من بعض الشباب القليلين مخافــة من اللـــه؟ المفروض أن تكون قريب من أختك أو زوجتك حتى تستطيع أن تتحدث معك بكل ما يجول بخاطرها
المفروض أن تكون الـــزوج و الأخ و الصديـــق و القريـــب لا أن تكون المرعــب المخيـــف التي تتجنبك أختك أو زوجتــك خوفــا منــك ليـــس إحترامـــا لــك

السبــب الثانـــي
- أن تكون الفتـــاة خجــولة ولا تستطيــع أن تصرخ على الشــاب وتوقفــه عنــد حــده يعني أن الفتــاة تلزم الصمت حتى ينصرف عنها من يتحرش بهــا أو يحاول معاكستهـــا أو أنهــا تحــس بالضعـــف وأنها مهما حاولت لإبعــاده فلن تستطيع
لأن قوة الرجــل أكبــر من قوة المــرأة وبنيتــه أقوى من بنيــة المــرأة

السبــب الثـالـــث
خــوف المــرأة من أنهــا اذا حاولت ايقــاف الشــاب عند حده أن تكثر الإشاعات عليها يعني أن الفتــاة تخاف من النــاس ومن الكلام الذي سيظهر عليها وأن النــاس لا يرحمون من إظهــار الإشاعات والظلــم وهذه النقطــة دااائما ما تحــدث

وهذا موقف
مرة من المرات حاولت إحدى الفتيات أن توقف شاب حاول معاكستها أكثر من مرة
فما كان من أحد الجالسات إلا وقالت
لا بد أنها هي من بدأت بإعطائه النظرات أو محاكاتــه

السبــب الرابـــع
خوف الفتــاة بأن يقوم أهلها بمنعهــا من الخروج
والفتاة لابد أن تنفــس عن نفسهــا بالخروج
طبعا لا أقصد الخروج الـدائــــم
لكنها تحتاج للخروج بيــن فتــرة وأخـــرى
وتخاف بعد إخبار أهلها بأن يمنعوها من الخــروج

هــل هنــاك أسبــاب أخرى من وجهــة نظركـــم!!!!؟

ما بعرف أي اسباب أخري

ولكن عندي تعلق ع الأسباب المطروحة

أول سبب هو السبب الشائع وهو ايقاع اللوم على الفتاة وخاصة في بلدنا وليس في هذا الأمر وحسب بل في كثير من الأمور

السبب الثاني انا أشك في صحته لأن ما من فتاة تبقى متفرجة أمام من يمس من سمعتها ويخاطر على مستقبلها

السبب الثالث قد يكون موجودا خاصة في هذه الأيام بنسمع كتير أهلنا كل كلامهم الناس الناس يعني قد تخاف الفتاة من عائلتها فتبقى صامتة

السبب الرابع هو أيضا قد يكون موجودا وهذا يندرج تحت السبب الأول ولكن من رايي الامتناع عن الخروج افل من السكوت عن الجريمة والتستر على المجرم

ولكن عندي نصيحة للفتيات بأن يحصن انفسهن جيدا لأن الفتاة قد تكون في بعض الأحيان هي السبب في حدوث مثل هذا النوع من الجرائم

يسلمووو كتير حبيبة قلبي

موضوع كتيييييييير مهم

تحياتي....

ندوووش

المشكلة الي بالمجتمع عنا
انو كل شي بصير بصير اللؤم علي البنت
السبب التاني بجد مو مزبوط بنووب لانوو البنت لو كانت خجولة
عند هالشي راح تعمل اشي ما كان يخطر بالها في يوم انه تعملوو
السبب التالت المشكلة الوحيدة هالايام ما في اهل متفهمين
السبب الرابع والله مو مشكلة اذا امتنعت ع الخروج لوقت محدد

ويسلموو حبيبتي ع ردك كتيير مميز
وبتمنا انوو كل الصبايا يفوتوو ويردو علي هالموضوع
لانوو كتيير بهمهم
وتحياتي لجميع
اميرة القلوب

هههههههههههه
ومين قلك هيك
انتي بتتوهمي يا بنتي
يمكن هاد انتي بس ما بتعرفي كيف طبيعة البنات انتي
احنا بالجامعة والله بتف في خلقة الشب اذا بيكلمها هاد ان كانت محترمة
بيجي للأسباب هلأ بتوعك
السبب الأول
هوا صحيح الغلط من البنت لأنها يا أميرة اذا لبست لبس شرعي
ما بتلاقي بشري بيتطلع في خلقتها أما اذا الشب شوشو غلبه فحينها مش راح
يكون الحق علي البنت أقولك ليش لأنه بلدنا بصراحة بيحبش الخطأ
أنا بتكلم عن بلدنا أما في الخارج كلام ثاني
السبب الثاني
عاد هاي مشكلة عند الصبايا
ما هيا لو من أولها بتف في خلقته وبتقوله ينصرف ولا بتقدحلها صوت ولا تجعيرة واحنا عارفين كيف صوت البنت فضايحي
كان لقيتي الدنيا كلها هاجمه علي الشب وأبصر يطلع منها سليم يعني بالعربي الله يرحمه
أه ملاحظة
هون البنية الجسدية والله ما الها دخل
لأنه ما بيقدر يمد ايده عليها هههههههه وان صار مادد تستحمل
بس ما تروح علي البيت تروح علي المحكة أو علي الشرطة
تقول شو صار معاها وشوية بهارات علي الكلام بروح الشب في داهية وبنقوله مبروك عليك الاعدام
السبب الثالث
من ناحية الاشاعات شو بدك أحسن من انك توخذي من وراهم حسنات ههههه الدنيا هاي فانية يا بنتي
وبعدين كلها يومين والناس بينسوا كل شي
هوا كل واحد بيكون عنده 10 ولاد وبدوا يفضي للإشاعات الناس هالأيام ما بيدوروا غير علي كيف يطعموا ولادهم ويمضوا اليوم علي خير
السبب الرابع
بالعكس لازم الأهل يعرفوا شو صار معاها
وهيك كمان هولع يعني الأهل حيصيروا ينتبهوا علي البنت بزيادة يعني ما تطلع لوحدها
وهاد من مصلحتها
ومن ناحية يمنعوها من الطلعة هاد ما عمره بيصير أقولك ليش ؟؟؟؟
لأنهم مش معقول ما يكونوا مسلمين وديننا الحنيف منع كل أفكار الجاهلية وعلم الناس كل ما يتعلق بحياتهم
أووووووووووووووووووووووووووووف طولت عليك يا أميرة
رجاء تقبلي رأيي
دمت بود أسيبك تقري في الملحف الي كتبته
ههههههههههههههههه
وأنا كما ن معاكي يا ندي كلامك صحيح ديوا بالكم علي حالكم يا بنات ربي يستركم
دمت بود

ولو ميدو مشكور ع ردك وكلامك كلوو مزبوط
وما في غلط بنووووب تقبل تحياتي
اميرة القلوب

ما حدش يا كلها بالساهل

يسلموا ع مرورك
منورالدنيا

تحياتي لالك

اميرة القلوب

انا بس بدي اقول اشي واحد
انه لو البنت كانت محترمة عنجد ومعروفة عند اهلها محترمة بتروح زي الاسد بتقول لاهلها شو اللي صار معاها وعلى قول ميدو مع شوية بهارات عالكلام ساعتها بيروح الشاب في داهية من الاهل هدا اذا ما بلغوا الشرطة او دفهوا اهل الشاب عطوة
وهيك بتضل البنت طول عمرها محترمة وما بتخاف من حاجة
تقبلي فكرتي ومروري

اول شيئ بحب اوجه لجميع البنات
انو هااااااد الاشي طبعا موجود في كل بلد
ولكن الشطارة بتيجي منكن كيف تحافظن علي انفسكن
ما دام البنت بيكون لبسها ومنظرها الخارجي محترم ما ظنيت انو احد يعمل اشي فيها او يعاكسها
ام بالنسبة للفتاة عندما يتحرش بها شاب وتفضل صامته فهذا ممكن يكون من اسلوب تربيتها
او تكون خجولة
اما بالنسبة عندما البنت لا تقول لاهلها ما جري معها فهذا يمكن ما بتحب انها تعمل مشاكل لاهلها بسببها
عمنو انها على حق بتكون هيا
وبالنسبة للرابع حتى لا تمنع من خروجها من البيت ويسببون المضايقة لها
والبنت الايام انا بعرفها ما بتحب الربطة في البيت

تحياتي .. الغندور ارجو ان اكون وصلت المعلومة اليكم

يسلمووو ع مروركم يا شباب

تحياتي لالكم جميعا

اميرة القلوب

هدا كله برجع الكن

لأنه بيتطلب شخصية قوية وبنفس الوقت محترمة وانها تكون معروفة

أكيييييييييييييييد هدا رح يعمل على تحديها لالي موقف بيمر معها

تحياتي لالكن يا صبايا

الساحر

شكرا عالمرور الساحر...

والله كله شي بيرجع للبنات

لأنه لما تكون البنت ماشية عدل

وما في اي سبب يجلب الانتباه الها

ما بتلاقي اي معاكسة الا في حالة وحدة

وهي انه بكون الشب متعلق فيها وبحبها وهاد طريقة خاطئة بمارسها الشباب

للتعبير عن عاطفتهم

تحياتي الملكية...